Шымкент сыра зауыты 153 миллион теңге көлемінде салық төлемеген

Бұл жайт кәсіпорынның қожайыны, белгілі кәсіпкер Тоқтар Төлешовтың ісіне қатысты қайта басталған сот процесінде белгілі болды. Зауыт жалпы мөлшері 1 миллион 65 мың литр сыраны салық органдары есебінен жасырып қалған. Ұйымдасқан топ бұл әрекетін 2011-2015 жылдар аралығында  жүзеге асырған.

Сот алдында зауыттың бұрынғы қожайыны Тоқтар Төлешовпен бірге тағы 8 адам жауап беріп жатыр. Олардың ішінде зауыттың бас есепшісі, экс-шенеуніктер мен салық органының қызметкерлері бар. Сот барысында сондай-ақ, айыпталушының кәсіпорын есебіндегі 4 миллиард теңгені жеке мұқтаждығы үшін алып, оны кейіннен қайтармай қойғаны анықталды. Мұнан бөлек кәсіпкердің өзіне және сыбайластарына пара берді деген айып тағылды.

Ғани ҚАЛМАХАНОВ