Талғар қаласында Kaspi bank бөлімшесіне қарақшылық шабуыл жасалды

Алматы облысының Талғар қаласында орналасқан Kaspi bank бөлімшесіне қарақшылық шабуыл жасалды. Оқиға бүгін таңертең болған. Бетперде киген белгісіз 2 адам 2 қызметкер отырған шағын бөлмеге төбеден түседі. Банк бөлімшесінің бейнебақылау камераларына түсіп қалған шабуыл тура бір шытырман фильмдегідей әсер қалдырады. Екі қызметкерді байлап тастап, қаржыны қолды қылғандар ізін суытып үлгерген. Қазіргі таңда Қылмыстық кодекстің 192-ші бабы «қарақшылық» бойынша іс қозғалып, тергеу амалдары жүріп жатыр. Ал, банк өкілдері ұрланған қаржы көлемін анықтауда. 

Қуаныш ҚАНАТҰЛЫ