Шымкентте 295 мың тонна азық-түлік қоймада сақтаулы

Оңтүстік Қазақстан облысында қыс және көктем айларында азық-түлік бағасын тұрақты ұстау үшін 2,5 мың тонна ауыл шаруашылығы өнімі қоймаға қойылды. Тұтынушымен арадағы сауда-саттықты реттеу мақсатында өңірдегі тұрақтандыру қоры Шымкенттегі көлік-логистикалық орталықтың әлеуетін тиімді пайдалануда. Олар бұл жерден аумағы 4 мың шаршы метр болатын қойманы жалға алған. Соның арқасында нарықта пияз 50, сәбіз 80, картоп 85 теңгеден сатылуда. Жергілікті тауар өндірушілер өнімін делдалсыз сатып, бағаны нарықтағыдан 15-20 пайызға төмен ұстап отыр. Енді тұрақтандыру қорында ет және ет өнімдері де сақталмақ.

Маратбек Мырзамұратов, «Шымкент» әлеуметтік-кәсіпкерлік корпорациясы төрағасының орынбасары:

- Атқарылған жұмыстың арқасында қараша айына белгіленген индекс облысқа 101 пайыз болса, біз соны 98,6 пайызға түсіріп, оң нәтиже беріп отырмыз. Тауар өндірушінің интервенциясы уақытылы және жақсы жүргізілгенінің арқасында.

Ғани ҚАЛМАХАНОВ