Талдықорғанда «Рухани жаңғыру» орталығы ашылды

Нысанды ашудағы мақсат - Елбасының «Болашаққа бағдар: рухани жаңғыру» бағдарламалық мақаласындағы барлық бағыттарды жүйелеу. Киіз үй тәріздес салынған ғимарат ішінде музей, мәжіліс залы және жұмыс кеңселері орналасқан. Орталық қызметкерлері өңірдің киелі жерлерін түгендеп, тың деректер жинап, туған жерге туын тіккен азаматтар туралы мәліметтерді толықтыратын болады. Сондай-ақ, бұл жерде ғалымдар, ақын-жазушылар, тіл мамандары бас қосып, пікір алмасып, идеялар мен жобаларымен бөлісіп отырады. 

Ғабит Тұрсынбай, Алматы облыстық ҚХА төрағасының орынбасары:

 - Бұл жерде қойылған экспонаттар мен материалдар белгілі бір уақыт сайын жаңарып, алмастырылып тұратын болады.

Қуаныш ҚАНАТҰЛЫ