Қазақстандық әуе компанияларының ұшақтары енді өз елімізде жөнделетін болды

Астанада осындай мүмкіндік беретін әуе-техникалық орталығы ашылды. Ұлттық компанияға тиесілі ғимаратта 2-3 ұшақты қатар кіргізіп, жөндеуге де болады.

Бұған дейін күрделі жөндеу жұмыстарының басым бөлігі шетелде жүргізілетін. Тек жеңіл жұмыстар ғана Алматы қаласындағы орталықта атқарылды. Жаңа орталық білікті кадрларға ерекше мән беріп отыр. Жастарды инженерлік салаға өздері оқытып, баулып жатыр.

Джон Уэйнтрайд, «Air Astana» компаниясының техникалық қызмет көрсету және өндіріс бойынша аға вице-президент:

- Біз бастапқыда тек өзімізге тиесілі ұшақтарға қызмет көрсетеміз деп ойлағанбыз. Ал, қазір мүмкіндіктеріміз артып, қолымыздан қыруар шаруа келетін халге жеттік.

Оңғар АЛПЫСБАЙҰЛЫ