1 шілдеден бастап жүргізуші куәлігін Ішкі істер министрлігі бермейді

Елімізде 1 шілдеден бастап тіркеу-емтихан қабылдау бөліністері жойылады. Бұл қызметті «Азаматтарға арналған үкімет» атқаратын болды. Қазір Мамандандырылған халыққа қызмет көрсету орталықтарында көлікті тіркеу, құжаттандыру жұмыстарын мемлекеттік корпарация мамандары мен полиция қызметкерлері бірге жасайды.

Бұдан былай тексеру амалдары онлайн режимде жүргізілмек. Яғни, Ішкі істер қызметкерлері тұрғындармен мүлде кездеспейді. Ал, осы бөліністерде жұмыс істеп жатқан мамандар өзге қызмет түрлеріне ауыстырылады.

Нұрділдә Ораз, ҚР Ішкі істер министрінің кеңесшісі:

- Мұның залал тұстары болмайды. Керісінше бұл халықтың, яғни, ертеңгі күні қарапайым тұрғындардың мемлекеттік қызметтерді оңтайлы, сәтті алуларына септігін тигізеді. 

Оңғар АЛПЫСБАЙҰЛЫ