Татарстан Жетісу арқылы Қытай нарығына шықпақ

Татарстан Жетісу арқылы Қытай нарығына шығуды көздейді. Бұл туралы Алматы облысына жұмыс сапарымен келген Татарстан Республикасының президенті Рустам Минниханов айтты.  Бұл сапар Жетісу өңірі мен Татарстанның өзара ынтымақтастық қарым-қатынастарын дамыту жоспары аясында жүзеге асуда. Облыс әкімі Амандық Баталов Татарстан Президентіне Қазақстан-Қытай шекарасындағы «Қорғас» халықаралық ынтымақтастық орталығын таныстырды. Биыл орталық аумағына 4,5 млн. адам кіріп-шығады деп күтілуде. Ал, «Қорғас» шығыс қақпасы еркін экономикалық аймағынан 8 айда 110 мың контейнер өтті. Татарстан келешекте Жетісу жерінде бірқатар инвестициялық жобаларды іске асырмақ ниетте.  

Қуаныш ҚАНАТҰЛЫ