Алдағы апта тыныштық күзетшілері төл мерекесін атап өтпек

Осы апта еліміздегі барлық медицина қызметкерлері кәсіби мерекесін атап өтті. Желдей ескен әлеуметтік желіден дәрігер тарапынан кеткен кінәратты көрсек, байбалам салып, ақ халатты абзал жандарға тіл тигіземіз. Ал басымыз ауырып, балтырымыз сыздаса, айналып келіп, айналайын дәрігерге барамыз.

Халық тарапынан қанша сынға қалса да, қызметіне адал тағы бір кәсіп иелері бар. Олар – полиция қызметкерлері. Алдағы апта тыныштық күзетшілері де төл мерекесін атап өтпек. Басын қауіп-қатерге тігіп, ел тыныштығы жолында қаза тапқан қызметкерлер де аз емес. Тәуелсіздік алғалы бері қызмет бабында 787 азамат қайтыс болса, 3513 қызметкер түрлі жарақат алған. Қысқасы, тыныштық күзетшілерінде тыныш күн болмайды-ау сірә?!