«Ұлттық қоғамдық сенім кеңесі» – билік пен халық арасындағы алтын көпір

Ұлықтау рәсмінде Президент айтқан «Ұлттық қоғамдық сенім кеңесі» билік пен халық арасындағы байланысқа тың серпін беруі тиіс. Саясаттанушылар бұл бастама елдегі қазіргі жағдайды реттеуге бағытталған сәтті қадам деп есептейді.

Қазақстан халқы қай уақытта да келісім мен диалогты дұрыс көреді. Сондықтан, «Мемлекет басшысы бастамасымен құрылған кеңес халық пен билік арасында алтын көпірге айналады», -дейді сарапшылар. Мемлекет басшысының жарлығымен құрылған бұл органның алғашқы отырысы алдағы тамыз айында өтеді. Ал оған дейін Президент әкімшілігі кеңесті қалыптастыру және оның жұмыс тәртібі бойынша консультациялар өткізеді. Ол жұмысты бастап та кетті. Жаңа бастама – жаңғыру мен реформалардың өзегіне айналмақ.