Міндетін мінсіз атқарып жүрген медицина қызметкерлері

Еліміздің әрбір азаматының денінің сау болуы әуелі өзіне байланысты болса, төтеннен келген сырқатты емдеп, жарақатты жазу дәрігерлердің міндеті. Міне осы міндетін мінсіз атқарып жүрген дәрігерлерді біз тек ауырған кезде ғана іздейтініміз рас. Сосын жылына бір рет маусымның үшінші жексенбісіндегі медицина қызметкерлерінің төл мерекесінде. Қазіргі сөз дәрігерлердің ерен еңбегі жайлы болмақ. Нақтырақ, Сызғанов атындағы Ұлттық ғылыми хирургия орталығы туралы айтпақпыз.  Бұл орталықта жылына 6 мың адамға түрлі дәрежедегі операция жасалады. Биылғы 5 айдың өзінде 3 мың науқасқа түрлі деңгейдегі операция жасалып, алғашқы көмек көрсетілген.