«ЭКСПО-2017» көрмесі кезінде таныстырылған жаңа технологиялардың 105-і іріктеліп алынды

Бұл сараптама жүргізу үшін арнайы құрылған жұмыс тобының шығарған нәтижесі. Сарапшылар «Қазмұнайгаз», «Қазтрансгаз»,  KEGOC сияқты ірі компаниялардың өкілдері мен энергетика саласының түрлі секторында жұмыс істейтін мамандардан құрылған. Технологиялар 4 бағыт бойынша іріктелді. Алғашқысы - мұнай-газ. Одан соң көмір және атом өнеркәсібі. Электротехника, энергия үнемдеу және баламалы энергия көздері. Соңғысы экология. Яғни, қалдықтарды қайта өңдеу, су тазарту және ауа тазалығын реттеу. Қазіргі уақытта іріктеуден өткен 105 жобаның 42-сін отандық компаниялар тестілеуден өткізіп жатыр. 14 жаңа технологияның тиімділігін біздің 2 университет зерттеуде. Тағы 12 жобаны жүзеге асыру жолдарын өңірлік әкімдіктер қарастырып жатыр.

Оңғар АЛПЫСБАЙҰЛЫ