«Болашақ» кемел келешекке жол ашты

«Болашақ» бағдарламасы көздеген мақсатыма кол жеткізуге мүмкіндік берді. Келешегіме нық қадам жасауға бағыт-бағдар көрсетті». Польша елінде білімін жетілдіріп келген Алтынай Молдашева осылай, дейді.

Еуропа елдерінің туристік мүмкіндіктері біздің елдікіне өте ұқсас. Экзотика болмағанымен, тарихи - сәулеттік орындарымен ерекше. Алтынайдың «Болашақ» бағдарламасы аясында Польшада ғылыми әдістемеден өтуінің себебі сол. Оның айтуынша, еліміздің туристік әлеуеті өте зор.

Алтынайға «Болашақтың» бергені мол болды. «Аймақтарда туризмді дамыту» тақырыбында  ғылыми зерттеу жұмысын жазып шықты. Мұның барлығы болашақ маман иелерінің  білімді де білікті  болып шығуына, сондай-ақ туристік саланың өсіп өркендеуіне елеулі үлес қосатын болады.

Ғани ҚАЛМАХАНОВ