Басты Жаңалықтар Екібастұзда жаңа емхана ашылды

Екібастұзда жаңа емхана ашылды

12.06.2014 08:00

Екібастұзда жаңа емхана ашылды. Бұл осы аймақтағы «Денсаулық сақтау саласының 350 нысанын салу» Республикалық жобасы аясында бой көтерген мекеме. Жобалық құны - 1 миллиард 700 миллион теңге.

Емхана күніне 500 адамды қабылдайды. Ересектер мен балаларға арналған жеке-жеке корпустары бар. Тіпті, 40 орындық күндізгі стационар да жұмыс істейді. Соңғы үлгідегі медициналық жабдықтар орнатылған.

Мұнда тек қана Екібастұз қаласы ғана емес, ауылдық аумақтардағы жалпы саны 50 мыңға жуық тұрғындарға қызмет көрсетіледі. Емханада 300-ге тарта дәрігер жұмыс істейді.

Қайыргелді Қазкенов, эндоскопист-дәрігер:

Сырқат адам толық тексеріліп, аз уақыт ішінде нақты анықтаманы қолына алады. Сол бойынша емдеу шаралары жүргізіледі. Бұрын Екібастұз халқы көбіне Павлодардағы медициналық мекемелерге барып емделетін. Енді ондай қажеттілік бола қоймас.Себебі, қазіргі талапқа сай құрал-жабдықтардың барлығы бар.

Болат АМАНБАЕВ

Автор

Болат Аманбаев

Бөлісу